Bømlo Fiskerihavn er eit prosjekt som tek sikte på å etablere ei fiskerihamn på industri-/hamneområdet som ligg i Hovlandshagen på Langevåg, heilt sør på Bømlo.

Kostnadsoverslaget er pr. 2018 på 197 mill. kroner. Prosjektet ligg i Nasjonalt Transportplan på «høg ramme» frå 2024–2029. Me jobbar iherdig for å få dette framskunda, og gjerne ned i middels ramme.

Ei ny hamn vil femdoble kapasiteten og gje grunnlag for eit næringsareal på land på 220 000 kvadratmeter.

Det er etablert ei arbeidsgruppe på åtte personar som arbeidar med prosjektet.